 |
|
|
|
مجرد إنسان.....
أفرح وأبكي ....وأتعلم وأحزن ...وأتألم
أصل يا ناس أنا مجرد إنسان
مجرد إنسان......
أفرح لما تكون الفرحة جوة قلوب
بتدوب أشواق وحنين
وأما اشوف طفل بريئ....
بيضحك أبتسم ...ومنه أتعلم
إزاي أكون زيه بريئ
مجرد إنسان....
أحزن لما يكون الفرح ضايع وسط الشوارع
والناس تايهة وغضبانين
مجرد إنسان....
دورت ع السراب وسط السحاب
ولقيت الدمع فوق الخدود
زي الضباب
خبأ عنا ضوء النهار
مجرد إنسان....
لما هجرو الحبيب...قلبي إنكسر
وسط البشر
وحس إن القدر منه بينتقم....والسبب
إنه....
مجرد إنسان....
أحلامه تايهة ومستحيلة
زي عروسة البحر....جميلة ومحدش يعرف لها شكل
وكل واحد وصفها بمليون وصف
مجرد إنسان.....
حلمت أسكن مدينة الفارابي
وأكون الطفل أميل ....إللي هيربيه أفلاطون
وأصاحب كهنة آمون
وأكون مستشار القيصر
ولما زيوس يديني هدية
تكون فينوس أوأفروديت
مجرد إنسان....
بحلم حلم حقيقي
ولبست توب البطل
عديت ع الأوهام....ومريت بسلام
وكنت واخد حكم إعدام
ورجعت تاني
مجرد إنسان......
عايش في بلدي
وأتمنى ولدي
ميشوفشي زيي.....نفس المصير
محمد حجر
|
نشر بتاريخ 08-03-2010 |
|
أضف تقييمك التقييم: 9.97/10 (85 صوت) |
|
|
 القائمة الرئيسية
جديد مكتبة الصور
 جديد مكتبة البطاقات
جديد مكتبة الأخبار
جديد مكتبة الفيديو
جديد مكتبة الصوتيات
|
v2.0.5 
الـصـفـحـة الـرئيسية