في سحابة من دخان مظللـة فنجـان قهـوة=شقها برق ورعد يكفينـي الله مـن غضبهـا
تحتها خلوة قسم با الله ماهـي بـأي خلـوة=لو درى الشيطان عنها اخنس وصد ولا قربها
ارتكب ياء المذكر فاحشة فـي نـون نسـوة=قـد نهيتـه لا يسويهـا ولـكـن ارتكبـهـا
حرف من جفوة خلق بيني وبين الحب فجـوة=ردمها من شعرة مـن لحيتـي والا شنبهـا!!
قاعها من جمـر والا اطرافهـا جنـة بربـوة=كل ما اقطف جمرها الوقـاد يحرقنـي عنبهـا
في شفاهي عود عفة يشتعل من عود شهـوة=نار شهوتها تبا تقتـص مـن عفـة حطبهـا
كل ما أّنسـت نـار وجيتكـم منهـا بجـذوة=اقتبستوا من سناها نور واحرقنـي لهبهـا!!
وانتم ابناء السراب اللـي بـلا شيمةونخـوة=عندما استودعته اخر قطرة من المـا شربهـا
والله اني ما تركت لكم جبـال المـوج رهـوة=غير ابا ناس تضيع بهـا ونـاس تجتنبهـا!!
كيف ابهدي من أضل الله وهو له فـيّ اسـوة=بينـة متعينـة قـدام عيـنـه واجتنبـهـا!
سولت للسامري نفسه وسوى العجـل نـزوة=وعبدته القوم رغم انه مصنـع مـن ذهبهـا
هو جهل؟ والا عقول الناس لا ها الحد رخـوة=قابله للقلب حتـى العجـل بخـواره قلبهـا!!
كيف ابعطي للضجيج اللي ملى الميدان غفـوة=يكحل عيونه بمرودها وانا اول مـن نهبهـا!!
با الحصان اللي ليا منه صهل ما خسر غـزوة=غير غزوة خاضها مع نفسه امس ولا كسبها!!
كل ما ركبت لي فـي حافـر الاحـلام حـذوة=غافلتنـي سكـة الايـام والحـظ انتهبـهـا!
تركض احلامي على مضمارها روحة وغـدوة=وانشغلت بركضها حتى توارت فـي حجبهـا
ودي امسح سوقها واعناقهـا وتـروح فـدوة=للمليك اللي نزل من سـدة العـرش وركبهـا
المليك اللي عطاه الله حصان بـدون صهـوة=في سحابةمن دخان وقهـوة دوبـه سكبهـا!