الحـب الاول غيـر ياللـي تحبـون=حبٍ حفظته موطنـه بيـن الاظـلاع
مستوطنٍ في داخلـي شيـد حصـون=عهـدٍ قطعتـه والعهـد للـمـلآ ذاع
اخلصت حبي له على كـل مضمـون=ودونت من فكري مشاريـعٍ وسـاع
من لامني في حبهـا قلـت مجنـون=لاني احب بصدق ما سقت الاطمـاع
اشوفها في لون والنـاس فـي لـون=آيه خلقها الله فـي وصفهـا ابـداع
نجلآ عيون وخشمها سيف مسنـون=والمبسم القتـال فيـه الحكـي مـاع
احلا بنات الكون من خالـق الكـون=ربي فرقها عن سواهـا ميـة بـاع
وثالث رجب من عام خمسه وعشرون=جاني خبرهـا وزودو بـي الاوجـاع
قالو حبيبـك حالتـه دون فـي دون=ارسل رساله ختمها مرحبـا السـاع
يقول فيهـا وصلـوا ساكـن النـون=الموت يشنانـي وانـا عنـه جـزاع
ومن عقبها مدفـون ياحـب مدفـون=ماتت ومات الحـب مستقبلـي ظـاع
تكفـون ياعشـاق تكفـون تكفـون=خلوني اسلا شايل الحـب مـا بـاع
وصيتـي يانـاس ياللـي تحـبـون=لا تشركون الحب مع زيـف وخـداع
وادعو معي تكفون ياللـي تصلـون=ربـي يثبتهـا تحـت تربـت القـاع