يا خافض السبع الاراضي رافع السبع الشـداد=يا قاهر الكون العظيم لمـا يشـاء ومخضعـه

يا حي يا قيوم منـك المبتـدى ولـك المعـاد=في يوم فيه الرضع تشيب وتهـاب المرضعـه

يا منزل الحكمه على عيسى وهو طفل المهـاد=يا مجري ٍ سر الفصاحه فا اللسـان ومودعـه

انا علي اسعى واكافح وانتـه بـك الاعتمـاد=ما لي غنى عن بابك اللي كـل شـي يوسعـه

خلقتني شاعر عـل الفطـره يهيـم بكـل واد=ماهوب غاوي لو ثلاثنين الف غـاوي يتبعـه

اضمتني الدنيـا وحدتنـي علـى مـالا يـراد=والحر ما يرضى المهونه لو يمـوت ببرقعـه

اشد وانزل واترك الجمره تحت كـوم الرمـاد=واسج وانسى والجمر هـوج الريـاح تولعـه

وتضيق بي واذكرك وانسى كل ضيقه فا الفواد=واجيك خاضع لك بقلبي والجـوارح خاضعـه

يا رب جملني بعـد وقفـت مـا بيـن العبـاد=فا المحفل اللي لا هو بمسجد ولا هو صومعـه

محفل ادب ورجال منزلهم على ظهـر الشـداد=في عصرنا التالي ويوم ان السنيـن مروعـه

اصغرهم اللي يطلق العانيـن ويعـن الجيـاد=واكبرهم اللي تاقف الدنيا علـى راس اصبعـه

سلام يا اطيب شعب يسكن في ربوع اطيب بلاد=دار تحضنها الخليـج اليعربـي فـوق اظلعـه

كنه عشقهـا قبـل لا تخلـق ارم ذات العمـاد=واضفى عليه رحمته فا الضيق قـدام السعـه

ياقوتتيـن وكهرمانـه فـوق عقـد الاتحـاد=ولولوتين مـن البحـر والماستيـن مرصعـه

يضمها العقـد الوحيـد الغيـر قابـل للمـزاد=علامة الجودة عليـه مسجلـه مـن مصنعـه

منقوش فوقه اربع احرف نقش من حبر المداد=اربع حروف اسم العظيم اللي بكفـه صانعـه

زايد وانا لا قلت زايد فـز طـارق بـن زيـاد=وقف له التاريخ تقديـر ورمـى بـا القبعـه

الحاكم الفذ العظيـم القايـد الشهـم الجـواد=الحاوي لثنتيـن دون جـدال ضـر ومنفعـه

الاوله فيها الضرر والضر مـن قسـم المعـاد=والثانيـه فيهـا المنافـع للعـرب متوزعـه

المعطي ولا مانع لمـا اعطـى اذا ربـي اراد=والمانـع ولا معطـي بـاذن الله لمـا يمنعـه

عز الله انا ما فقدنـا قايـد وسيـف وغمـاد=حنـا فقدنـا فيـه امـه كاملـه متجمـعـه

يا جعل ربي يشمله با العفو في يـوم التنـاد=وبرحمته في جنة الفـردوس الاعلـى يرفعـه

وانـه يوفـق قايـد الامـه خليفـه للرشـاد=ويمده بحبله وحبله مـا خلـق مـن يقطعـه

وانه يبارك فا السيوف السبعه البيض الحـداد=المرهفـات الباتـرات الصارمـات القاطـعـه

وانه يعيد العيد عام وعام ونجـي فـا العيـاد=نهني الشعب العظيـم بعيـده ونفـرح معـه

والليله اشعلها شعر ما بين دال وبيـن ضـاد=واختار وجهه خامسه بين الجهـات الاربعـه